Վրաստանը, Ադրբեջանը, Թուրքիան և Բուլղարիան աշխատում են էլեկտրաէներգիայի փոխադրման միջանցք ստեղծելու ուղղությամբ
Վրաստանի, Ադրբեջանի, Թուրքիայի և Բուլղարիայի կառավարությունների միջև բանակցություններ են ընթանում էլեկտրաէներգիայի փոխադրման համար ցամաքային տարանցիկ միջանցք ստեղծելու վերաբերյալ: Այդ մասին հայտարարել է Վրաստանի էկոնոմիկայի և կայուն զարգացման փոխնախարար Ինգա Փխալաձեն։
Նրա խոսքով՝ նոր նախաձեռնությունը թույլ կտա Վրաստանի տարածքով էլեկտրաէներգիա մատակարարել ցանկացած շահագրգիռ երկրից, առաջին հերթին՝ հարևան պետություններից դեպի Եվրոպա:
«Սա տնտեսական տեսանկյունից շատ կարևոր և հետաքրքիր նախաձեռնություն է, քանի որ տարանցման հետ մեկտեղ Վրաստանը նաև կարտահանի սեփական էլեկտրաէներգիան, ինչն իր հերթին կնպաստի տեղական բիզնեսին աջակցությանը և երկրի էներգետիկ ոլորտի զարգացմանը»,- հավելել է փոխնախարարը:
