Նիդերլանդներում՝ Գերմանիայի հետ սահմանին, անտառային հրդեհ է մոլեգնում։ Այն բռնկվել է օգոստոսի 3-ին, և քամու ուղղության անընդհատ փոփոխման պատճառով կրակը դեռ չի հաջողվում այն հսկողության տակ վերցնել:
Նշվում է, որ հրդեհն ընդգրկել է արդեն մոտ 100 հեկտար տարածք: Դրա դեմ պայքարում են հարյուրավոր հրշեջներ և փրկարարներ։
Մոտակայքում գտնվող ճամբարը տարհանվել է, իսկ տարածքում երկաթուղային հաղորդակցությունը՝ դադարեցվել:
Financial Times-ի գնահատմամբ՝ անտառային հրդեհներն ու ծայրահեղ շոգը ԵՄ հինգ առավել տուժած երկրում՝ Ֆրանսիայում, Իսպանիայում, Պորտուգալիայում, Հունաստանում և Ռումինիայում, այս տարի արդեն հասցրել են առնվազն 3,1 մլրդ եվրոյի վնաս:
