Հայաստանի համայնքների միության կանոնադրության փոփոխությունը կնպաստի գործունեության արդյունավետության բարձրացմանը. ՏԿԵ նախարար
ՀՀ ՏԿԵ նախարար Դավիթ Խուդաթյանն այսօր մասնակցել է Հայաստանի համայնքների միության ընդհանուր ժողովին։ Այս մասին տեղեկացնում են ՀՀ տարածքային կառավարման և ենթակառուցվածքների նախարարությունից:
Համայնքների միության նախագահ Տիգրան Ավինյանի, Միության գլխավոր տնօրեն Արմեն Հարությունյանի և համայնքապետների մասնակցությամբ նախ քննարկվել է Միության կողմից վերջին 6 ամսում իրականացված աշխատանքը։
Նախարարը կարևորել է ՏԿԵ նախարարության ու Համայնքների միության հետ սերտ համագործակցությունը։
Նախարարի խոսքով Հայաստանի համայնքների միության կանոնադրության փոփոխությունը կնպաստի միության գործունեության արդյունավետության բարձրացմանը և նոր որակի կբարձրացնի միության աշխատանքը։
Խուդաթյանն անդրադարձել է նաև առաջիկայում սպասվող ՏԻՄ ընտրություններին և վստահություն հայտնել, որ այդ ընտրությունների արդյունքները կարտահայտեն քաղաքացիների ազատ կամքը։
