Ռուսաստանից դեպի Հայաստան Ադրբեջանի տարածքով ուղարկվել է 770 տոննա հացահատիկ

Այսօր Ռուսաստանից Հայաստան Ադրբեջանի տարածքով տարանցիկ ճանապարհով ուղարկվել է ցորենի հերթական խմբաքանակը՝ 770 տոննա՝ 11 վագոնով։ Այդ մասին հաղորդում են ադրբեջանական լրատվամիջոցները:

Բեռը ուղարկվել է «Ադրբեջանի երկաթուղիներ» ՓԲԸ-ի Բալաջարի կայարանից դեպի Բյոյուք-Քյասիք կայարան, որտեղից էլ Վրաստանի տարածքով կշարունակի ճանապարհը դեպի Հայաստան։ 

Ավելի վաղ Ռուսաստանից Հայաստան Ադրբեջանի տարածքով տարանցիկ փոխադրմամբ ուղարկվել էր ավելի քան 34 հազար տոննա հացահատիկ, մոտ 8 հազար տոննա պարարտանյութ, 133 տոննա ալյումին, 68 տոննա հնդկաձավար և 414 տոննա անտրացիտ։