Արցախի Հանրապետության Նախագահ Բակո Սահակյանը նոյեմբերի 26-ին մասնակցել է Դատախազության օրվան նվիրված հանդիսավոր միջոցառմանը:
Երկրի ղեկավարը շնորհավորել է համակարգի աշխատակիցներին, պետական բարձր պարգևներ հանձնել և կոչումներ շնորհել մի խումբ ծառայողների:
Իր խոսքում Նախագահը նշել է, որ դատախազության ոլորտը, այն գործառույթները, որոնք իրականացնում է կառույցը, անձնակազմի մասնագիտական պատրաստվածության եւ վերապատրաստման, ծառայության համար համապատասխան պայմանների ապահովումը միշտ եղել են և կլինեն մեր պետականաշինության կարևոր ուղղություններից:
«Վստահ եմ, որ կառույցն ունի անհրաժեշտ ներուժ իր առջև դրված խնդիրները արդյունավետորեն լուծելու համար, և դուք այսուհետ ևս մեծագույն պատասխանատվությամբ ու նվիրվածությամբ կշարունակեք ձեր ծառայությունը՝ ի նպաստ մեր հայրենիքի ու ժողովրդի բարօրության»,- ընդգծել է Բակո Սահակյանը:
