Թրամփը քննարկում է Կուբայի դեմ գործողությունների տարբերակներ. Politico-ն
ԱՄՆ նախագահ Դոնալդ Թրամփը քննարկում է Կուբայի հետ կապված տարբեր սցենարներ, այդ թվում՝ ռազմական՝ հաղորդում է Politico-ն՝ հղում անելով Սպիտակ տան բարձրաստիճան պաշտոնյայի։
«Թրամփն ունի Կուբայում գործողությունների դիվանագիտական և ռազմական տարբերակներ, բայց նա դեռ վերջնական որոշում չի կայացրել և շարունակում է ճնշում գործադրել նավթի ներմուծումն արգելափակելով ու պատժամիջոցներ սահմանելով»,- նշում է պարբերականը։
Թերթը հավելում է, որ Վաշինգտոնի հետագա քայլերը դեռևս անորոշ են։ Թրամփը երեկ հայտարարել էր, որ կղզու նկատմամբ էսկալացիա չի ծրագրում։
Իր հերթին, ԱՄՆ պետքարտուղար Մարկո Ռուբիոն՝ կուբացի ներգաղթյալների որդին, տեսաուղերձով դիմել է Կուբայի ժողովրդին՝ կոչ անելով նրանց մերժել սոցիալիստական ղեկավարությանը։
