ՑԱՀԱԼ-ը և «Հըզբոլլահը» հայտնում են փոխադարձ հարվածների մասին

Չնայած Իսրայել-Լիբանան բանակցություններին և հայտարարված հրադադարին՝ ՑԱՀԱԼ-ը և «Հըզբոլլահը» պարբերաբար հայտնում են փոխադարձ հարվածների մասին: Հրեական պետության բանակը կոչ է արել Լիբանանի հարավային մի քանի քաղաքի և գյուղի բնակիչների տարհանվել: ՑԱՀԱԼ-ի տվյալով՝ այդ տարածքներում կան Հըզբոլլահի ներկայացուցիչներ, որոնց դեմ Իսրայելը մտադիր է ռազմական գործողություններ իրականացնել:

Մարտի սկզբից ի վեր Լիբանանին Իսրայելի հարվածների հետևանքով զոհվել է ավելի քան 2700 մարդ, վիրավորվել 8000-ից ավելի, 1.6 միլիոն մարդ ստիպված է եղել լքել տները:

Իսրայելի ուժերը ռազմական գործողություններ են իրականացնում նաև Գազայի հատվածում: Նշվում է, որ հարավում ոչնչացվել են ՀԱՄԱՍ-ին պատկանող օբյեկտներ: Իսրայելական ԶԼՄ-ները հայտնում են, որ նաև շարժման ներկայացուցիչներ են չեզոքացվել: