Ապրիլի 23-ին Վաշինգտոնում նախատեսված է իսրայելա-լիբանանյան բանակցությունների հաջորդ փուլը
Իսրայելում ԱՄՆ դեսպան Մայք Հաքաբին կլինի ամերիկյան պատվիրակության կազմում Իսրայելի և Լիբանանի միջև առաջիկա ուղիղ բանակցություններին, որոնք նախատեսված են հինգշաբթի՝ ապրիլի 23-ին՝ Վաշինգտոնում՝ հաղորդում է CNN-ը՝ հղում անելով պետքարտուղարության խոսնակին։
Հեռուստաալիքի տվյալներով՝ բանակցություններին կմասնակցեն նաև ԱՄՆ պետքարտուղար Մարկո Ռուբիոն, Լիբանանում ԱՄՆ դեսպան Միշել Իսան և պետքարտուղարության խորհրդական Մայքլ Նիդեմը։
Ինչպես նախորդ փուլում, Իսրայելը և Լիբանանը կներկայացնեն ԱՄՆ-ում նրանց դեսպանները։ Դա կլինի վերջին երկու շաբաթվա ընթացքում դեսպանների մակարդակով բանակցությունների երկրորդ փուլը։
ՑԱՀԱԼ-ի գլխավոր շտաբի պետ Էյալ Զամիրը հայտարարել է, որ Իսրայելի պաշտպանության բանակը գտնվում է բարձր պատրաստության վիճակում և անհրաժեշտության դեպքում կարող է ցանկացած պահի՝ բոլոր ճակատներում, վերադառնալ մարտական գործողությունների: Այս մասին հայտնում է The Times of Israel-ը:
