Էկոնոմիկայի փոխնախարարը և ՄԱԿ-ի ՊԳԿ ներկայացուցիչը քննարկել են ագրոկենսաբազմազանության հետ կապված հարցեր
ՀՀ էկոնոմիկայի նախարարի տեղակալ Արման Խոջոյանը հանդիպել է ՄԱԿ-ի Պարենի և գյուղատնտեսության կազմակերպության (FAO) Կլիմայի փոփոխության, կենսաբազմազանության և շրջակա միջավայրի գրասենյակի տնօրեն Քավեհ Զահեդիի հետ։ Հանդիպմանը մասնակցել է նաև Հայաստանում ՊԳԿ ներկայացուցիչ Ռայմունդ Ելեն։
Հանդիպման ընթացքում քննարկվել են կենսաբազմազանության, մասնավորապես, ագրոկենսաբազմազանության հետ կապված հարցեր: Ընդգծվել է կայուն գյուղատնտեսության դերը ագրոկենսաբազմազանության զարգացման և էկոհամակարգերի կայունացման գործում:
Անդրադարձ է կատարվել գյուղատնտեսության ոլորտում իրականացվող ծրագրերին, որոնք միտված են ռեսուրսախնայող տեխնոլոգիաների ներդրմանը, հողային ռեսուրսների արդյունավետ կառավարմանը և ունեն դրական ազդեցություն ագրոկենսաբազմազանության ապահովման վրա:
Կողմերը կարևորել են նաև ՀՀ-ի և ՊԳԿ-ի միջև շարունակական ու արդյունավետ համագործակցությունը։
Բաժիններ
Դիտումներ82
