Միանշանակ ողջունում եմ օգոստոսի 8-ի համաձայնագիրը. Կավելաշվիլին՝ ՀՀ նախագահի հետ ասուլիսում
Վաշինգտոնում Հայաստանի ու Ադրբեջանի նախաստորագրած խաղաղության համաձայնագիրը նշանակալի քայլ է համարել Վրաստանի նախագահը: Վահագն Խաչատուրյանի հետ համատեղ ասուլիսում Միխեիլ Կավելաշվիլին ասել է, որ այդ պատմական իրադարձությունը Հարավային Կովկասի ապագայի համար մեծ կարևորություն ունի: Հայաստանի նախագահն անդրադարձել է խաղաղության հնարավորություններին, ընդգծել՝ տարածաշրջանային հաղորդակցությունների բացումը Վրաստանին հնարավորություն կտա կապ հաստատել Պարսից ծոցի հետ:
Հեղինակ՝ Նիկոլայ Ավետիսյան
