Վարչապետ Նիկոլ Փաշինյանը շնորհավորել է Մոլդովայի նախագահ Մայա Սանդուին` հաղթանակի կապակցությամբ․
«Ջերմորեն շնորհավորում եմ Մայա Սանդուին և Մոլդովայի ժողովրդին խորհրդարանական ընտրությունների արդյունքների և երկրի եվրոպական ապագայի առաջխաղացմանը նվիրվածության կապակցությամբ»,-գրել է Փաշինյանը X-ի միկրոբլոգում։
Մոլդովայի կենտրոնական ընտրական հանձնաժողովը մշակել է քվեարկված քվեաթերթիկների 100%-ը, և վերջնական ձայների հաշվարկը չի փոխել իրավիճակը, նոր խորհրդարան է անցել երեք կուսակցություն և երկու դաշինք` հաղորդում են մոլդովական լրատվամիջոցները:
Նախնական արդյունքների համաձայն՝ իշխող «Գործողություն և համերաշխություն» կուսակցությունն առաջին տեղում է՝ ձայների 50,2%-ով: Սոցիալիստների, կոմունիստների և «Մոլդովայի ապագայի հայրենասիրական դաշինքը» երկրորդ տեղում է՝ 24,17%-ով:
Այս արդյունքների համաձայն՝ իշխող կուսակցությունը կարող է ապահովել 55 տեղ 101 տեղանոց խորհրդարանում:
