Երևանի քաղաքապետի տեղակալ Լևոն Հովհաննիսյանը մասնակցել է «Ապագայի ճանապարհ. ներքին զբոսաշրջության ինովացիաներն ու համայնքային ներուժը» համաժողովին: Այս մասին տեղեկացրել է Երևանի քաղաքապետարանը:
Այն մեկ հարկի տակ էր հավաքել պետական ու մասնավոր ոլորտի ներկայացուցիչներին ու զբոսաշրջության ոլորտի պատասխանատուներին: Պանելային քննարկումների ընթացքում Լևոն Հովհաննիսյանը մասնակիցներին է ներկայացրել Երևանի զբոսաշրջային ներուժը, զարգացման ծրագրերն ու մշակութային այն միջոցառումները, որոնք դարձել են սիրված և սպասված ոչ միայն երևանցիների, այլև մայրաքաղաքի հյուրերի կողմից։
«Երևանը ոչ միայն պատմական ու մշակութային կենտրոն է, այլև ժամանակակից զբոսաշրջային ուղղություն, որը շարունակաբար զարգանում է նորարարական մոտեցումներով։ Մեր նպատակն է ստեղծել այնպիսի միջավայր, որտեղ զբոսաշրջիկները կզգան Երևանի ջերմ ընդունելությունն ու կբացահայտեն հազարամյակների պատմությունը»,- նշել է Երևանի փոխքաղաքապետը:
