Ուկրաինայի առաջին տիկին Օլենա Զելենսկան հայտնել է, որ հանդիպել է ԱՄՆ առաջին տիկին Մելանյա Թրամփի հետ։ Ուկրաինայի նախագահի գրասենյակից պարզաբանել են, որ հանդիպումը տեղի է ունեցել Նյու Յորքում։
Զելենսկայի խոսքով՝ նրանք քննարկել են «2 երկրների համար ընդհանուր արժեքները՝ առաջին հերթին երեխաների և նրանց մանկության պաշտպանությունը»։
Ուկրաինայի առաջին տիկինը շնորհակալություն է հայտնել ԱՄՆ նախագահի կնոջն Ուկրաինային աջակցելու համար, այդ թվում՝ պատերազմի ընթացքում երեխաների մասին նամակի համար, որը Մելանյա Թրամփը հղել է Վլադիմիր Պուտինին։
«Շատ եմ գնահատում, որ նրա սիրտը բաց է այս թեմայի համար, ինչպես նաև երեխաների բարօրության հարցի նկատմամբ ամբողջ աշխարհում։
Անընդհատ կրկնում եմ, որ խորապես հավատում եմ փափուկ ուժի արդյունավետությանը՝ մարդկայնությանը, կարեկցանքին և իրականությունը դեպի լավը փոխելու ունակությանը։ Վստահ եմ, որ համատեղ ջանքերով մենք կկարողանանք օգնել բոլոր այն երեխաներին, ովքեր դրա կարիքը ունեն»,- նշել է Վոլոդիմիր Զելենսկու կինը։
Մելանյա Թրամփն առայժմ չի մեկնաբանել հանդիպման մասին տեղեկատվությունը։
