ՆԱՏՕ-ի անդամ և համագործակցող երկրների ռազմաբժշկական ծառայությունների ղեկավարների հանդիպմանը քննարկվել են ոլորտի զարգացման խնդիրները
ՀՀ պաշտպանության նախարարության ռազմաբժշկական ապահովման վարչության պետ, բ/ծ գնդապետ Գեղամ Փաշիկյանը Բրյուսելում մասնակցել է ՆԱՏՕ-ի անդամ և համագործակցող երկրների ռազմաբժշկական ծառայությունների ղեկավարների կոմիտեի (COMEDS) տարեկան աշխատանքային նիստին։
Նիստի ընթացքում քննարկվել են առկա մարտահրավերների ռազմաբժշկական ապահովման խնդիրները, քաղած դասերը, և առաջարկություններ են ներկայացվել ժամանակակից մարտական գործողությունների բժշկական ապահովման խնդիրների լուծման վերաբերյալ։
Գեղամ Փաշիկյանն առանձին հանդիպումներ է ունեցել ՆԱՏՕ-ի ռազմաբժշկական Գերազանցության կենտրոնի տնօրենի, «Միացյալ առողջապահության խմբի» խոսնակի և 2025 թվականի մայիսին ԳԴՀ-ում կայանալիք CAMO-25 բժշկական տարհանման զորավարժության ղեկավարի հետ։
Քննարկվել են ռազմաբժշկական ոլորտի՝ փոխադարձ հետաքրքրություն ներկայացնող և հետագա փոխգործակցությանն առնչվող կազմակերպչական հարցեր։
