Վարչապետը հունիսի 8-ին եղել է Լոռու մարզի այն բնակավայրերում, որոնք տուժել էին հեղեղներից: Այս ընթացքում արդեն վերականգնվել են փլուզված որոշ ենթակառուցվածքներ, ճանապարհներ ու կամուրջներ: Մեծ է տներին ու շենքերին հասցված վնասը. վարչապետին զեկուցել են, որ եւս մեկ գնահատում կանեն մեկ ամսվա ընթացքում՝ լուծում գտնելու բնակարանային խնդրին: Տավուշի մարզում վարչապետը ծանոթացել է Բաղանիս-Կիրանց հատվածում տեղակայված ԱԱԾ սահմանապահ զորքերի ծառայությանը, նաև հետևել Աճարկուտ-Կիրանց, Կիրանցը շրջանցող ճանապարհների կառուցման ընթացքին:
Մանրամասները՝ Մայա Խաչատրյանի ռեպորտաժում։
