Sentyabrın 21-də BMT Baş Assambleyasının 77-ci sessiyasında iştirak etmək üçün Nyu-Yorkda səfərdə olan Ermənistanın xarici işlər naziri Ararat Mirzoyan Finlandiyanın xarici işlər naziri Pekka Haavisto ilə görüşüb.
Ararat Mirzoyan Azərbaycanın Ermənistanın suverenliyinə və ərazi bütövlüyünə qarşı hərbi təcavüzü nəticəsində yaranmış vəziyyəti Pekka Haavistoya təqdim edib.
ER XİN rəhbəri həmkarının diqqətini Azərbaycan silahlı qüvvələrinin mülki əhalini və infrastrukturu hədəf almasına, BMT Nizamnaməsinin, Helsinki Yekun Aktının və beynəlxalq humanitar hüququn kobud şəkildə pozulmasına yönəldib.
Atəşkəs rejiminin qorunması və yeni təcavüzün istisna edilməsi kontekstində nazir Mirzoyan Azərbaycanın təcavüzünün beynəlxalq ictimaiyyət tərəfindən aydın və ünvanlı pislənməsinin və effektiv qabaqlayıcı tədbirlərin həyata keçirilməsinin vacibliyini vurğulayıb.
Həmçinin Ermənistan-Azərbaycan münasibətlərinə, Dağlıq Qarabağ münaqişəsinin həlli prosesinə də toxunulub.
Görüş zamanı tərəflər Ermənistan və Finlandiya arasında əməkdaşlığın gələcək inkişafı ilə bağlı fikir mübadiləsi aparıblar.
