ER Prezidenti Vahagn Xaçaturyan Hindistan Milli Müdafiə Kollecinin komandanı general-leytenant Sukriti Sinq Dahiyanı qəbul edib.
Görüşdə Hindistanın Ermənistandakı fövqəladə və səlahiyyətli səfiri Nilakşi Saha Sinha da iştirak edib.
“Bizim dostluğumuz çoxəsrlik tarixə malikdir və Ermənistan müstəqillik əldə etdikdən sonra biz bu ənənəni davam etdirərək Hindistanla diplomatik əlaqələr qurduq və əlaqələrimizin dinamik inkişafı üçün hər şeyi etdik”,- deyə prezident qeyd edib.
Görüş zamanı Ermənistan və Hindistan arasında sıx əməkdaşlığın gələcək inkişafı istiqamətləri və sahələri müzakirə edilib. Hərbi təhsil sahəsində birgə təcrübə mübadiləsi proqramlarının həyata keçirilməsi imkanlarına toxunulub.
Ümumi regional reallıqlar ətrafında fikir mübadiləsi aparılıb, bununla bağlı prezident Xaçaturyan Ermənistanın sabit və davamlı sülhə nail olmaq üçün öz mövqeyində qəti olduğunu və bu istiqamətdə irəlilədiyini vurğulayıb.
