Ermənistan İranla sıx əməkdaşlıq edir. Bunu ER Baş naziri Nikol Paşinyan İctimai Televiziyaya müsahibəsində deyib.
“Nyu-Yorkda İran prezidenti ilə görüşüm oldu, münasibətlərimizin inkişafı, o cümlədən regional vəziyyət barədə uzun, ətraflı müzakirələr apardıq.
Çox intensiv münasibətimiz var, qarşılıqlı səfərlər, iş müzakirələri, telefon danışıqları olur. Təbii ki, biz İranla əlaqələrimizi inkişaf etdirməkdə maraqlıyıq. Biz bunun üçün maksimum əməli addımlar atmağa çalışırıq”, - deyə baş nazir bildirib.
