İyunun 14-də Bolqarıstanda rəsmi səfərdə olan ER xarici işlər naziri Ararat Mirzoyan Bolqarıstan Respublikası parlamentinin Bolqarıstan-Ermənistan dostluq qrupunun deputatları ilə görüşüb.
Nazir Mirzoyan və Bolqarıstan-Ermənistan Dostluq Qrupunun rəhbəri Atanas Zafirov iki ölkə arasında bu illər ərzində həm ikitərəfli, həm də çoxtərəfli qaydada səmərəli və qarşılıqlı faydalı əməkdaşlığın qurulduğunu qeyd etdilər.
Ermənistan-Bolqarıstan əlaqələrinin möhkəmlənməsində əsrlər boyu Bolqarıstanda fəaliyyət göstərən erməni icmasının mühüm rolu da vurğulanıb.
Nazir Mirzoyan həmsöhbətlərinə Dağlıq Qarabağ münaqişəsi ətrafındakı vəziyyət, o cümlədən regional sülh və sabitliyin bərqərar olmasına yönəlmiş proseslər barədə məlumat verib. Tərəflər qeyd etdilər ki, Dağlıq Qarabağ münaqişəsi ATƏT-in Minsk qrupu həmsədrlərinin mandatı altında sülh danışıqları yolu ilə hərtərəfli həll edilməlidir.
ER XİN rəhbəri 44 günlük müharibədən sonra yaranmış humanitar məsələlərin, o cümlədən Azərbaycanın nəzarəti altında olan ərazilərdə erməni tarixi-mədəni irsinin qorunmasının, erməni hərbi əsirlərin və saxlanılan mülki şəxslərin vətənə qaytarılmasının vacibliyini vurğulayıb.
