Suren Papikyan Qazaxıstan səfirini Ermənistanın sərhədyanı rayonlarındakı son hadisələrlə bağlı məlumatlandırıb

Aprelin 25-də ER müdafiə naziri Suren Papikyan Qazaxıstan Respublikasının Ermənistan Respublikasındakı fövqəladə və səlahiyyətli səfiri Bolat İmanbayevi qəbul edib. Görüşdə Qazaxıstanın Ermənistandakı səfirliyinin hərbi attaşesi də iştirak edib.

Müdafiə Nazirliyinin rəhbəri səfirə regiondakı vəziyyət barədə məlumat verib, Ermənistanın sərhədyanı rayonlarında baş verən son hadisələri təqdim edib.

Həmsöhbətlər müdafiə sahəsində Ermənistan-Qazaxıstan əməkdaşlığı məsələlərini, xüsusilə əməkdaşlığın daha da genişləndirilməsi yollarını, çoxtərəfli formatlar çərçivəsində nəzərdə tutulan tədbirlərin həyata keçirilməsi prosesini və müddətlərini müzakirə ediblər.

Görüş zamanı həmçinin beynəlxalq və regional təhlükəsizlik məsələləri ətrafında fikir mübadiləsi aparılıb.