Sumqayıt qətliamının qurbanlarının xatirəsini yad edərkən biz təcavüzün və etnik nifrətin nəticələrini qeyd etməliyik. Bunu ABŞ konqresmeni Bred Şerman Sumqayıt və Bakı qətliamlarının ildönümü ilə bağlı yaydığı bəyanatda deyib.
“Bu xatırlatma xüsusilə bu gün Azərbaycan hökumətinin Ermənistan və Artsaxa qarşı dövlət tərəfindən dəstəklənən zorakılıq siyasətini davam etdirdiyi bir vaxtda daha aktualdır. 2020-ci ildə dünya Artsaxın işğalı zamanı Azərbaycan qüvvələrinin erməni mülki əhalisinə, o cümlədən qadınlara və qocalara qarşı dəhşətli hərbi cinayətlər törətməsi və hərbi əməliyyatlar başa çatdıqdan sonra erməni hərbi əsirləri qanunsuz olaraq həbs etməsi zamanı Azərbaycanın ermənilərə qarşı hədsiz nifrətinin şahidi olub. Azərbaycanda hələ də çoxlu hərbi əsir saxlanılır”,-deyə Şerman qeyd etdi.
Şermanın fikrincə, Azərbaycan hökuməti erməni xalqına onilliklər boyu davam edən nifrətinə görə beynəlxalq ictimaiyyət qarşısında cavab verməlidir. O, vurğuladı ki, bu cür insanlıq əleyhinə cinayətlər nə qədər vaxt keçsə də, tanınmadan və mühakimə olunmadan qalmamalıdır.
