İran Ermənistanla Azərbaycan arasında münaqişələrin həllinin və sülh sazişinin imzalanması prosesinin sürətləndirilməsinin tərəfdarıdır.
Bunu İran Xarici İşlər Nazirliyinin sözçüsü İsmail Bəqayi deyib.
Onun sözlərinə görə, İslam Respublikası da iqtisadi inkişafın mühüm tərkib hissəsi kimi kommunikasiya yollarının açılması həmişə dəstəkləyib.
"Biz bu prosesin tərəfdarıyıq, lakin biz də açıq şəkildə bildirdik ki, bu hadisələr regionun geosiyasi strukturunun dəyişməsinə səbəb olmamalıdır. Bu məsələdə ortaq anlaşma var", - diplomat bildirib.
O qeyd edib ki, digər mühüm hal Tehranın regionun inkişafı və təhlükəsizliyi üçün əlverişli hesab etmədiyi regiondankənar aktorların cəlb edilməsi məsələsidir.
