Kanadanın xarici işlər naziri Anita Anand Ermənistanın xarici işlər naziri Ararat Mirzoyana telefon danışığı zamanı Kanada konsulluq komandasına göstərdiyi dəstəyə görə təşəkkür edib.
"Mən bu səhər erməni həmkarım Ararat Mirzoyanla danışdım, Aqarak keçid məntəqəsində Kanada konsulluq qrupunun effektiv işini və əlçatanlığını təmin etdiyinə görə Ermənistana təşəkkür etdim.
Öz növbəmizdə bu yaxınlarda bölgədəki kanadalılara köməklik göstərə bildik. Biz həmçinin regionda demokratik prinsiplərə və insan haqlarına sadiqliyimizi müzakirə etdik və bir daha təsdiq etdik", - Anita Anand öz səhifəsində yazıb.
