ABŞ prezidenti Donald Tramp 12 ölkə vətəndaşlarının ABŞ-a girişini qadağan edən fərman imzalayıb.
Ağ Ev Əfqanıstan, Myanma, Çad, Konqo, Ekvatorial Qvineya, Eritreya, Haiti, İran, Liviya, Somali, Sudan və Yəmən vətəndaşlarının ABŞ-a girişinə qadağa qoyulduğunu bildirib. Nəşr olunan sənəddə qeyd edilir ki, bu ölkələrdən vətəndaşların ölkəyə girişi ABŞ-ın maraqlarına zərər verəcək.
Sərəncam həmçinin daha 7 ölkə vətəndaşlarının ölkəyə girişinə qismən qadağa qoyur: Toqo, Türkmənistan, Burundi, Kuba, Laos, Syerra-Leone və Venesuela. Sənəd ABŞ-da qanuni daimi yaşayan və ya etibarlı vizası olan 19 ölkənin hamısının vətəndaşları, habelə ölkəyə girişi “ABŞ-ın milli maraqlarına uyğun gələn” şəxslər üçün istisnalar nəzərdə tutur.
