ABŞ üçüncü ölkələrin nümayəndələri vasitəsilə eskalasiyanın İranın maraqlarına uyğun olmadığını çatdırmağa çalışır: Miller

ABŞ vasitəçi ölkələr vasitəsilə İranı Yaxın Şərqdə gərginliyin artmasından əl çəkməyə inandırmağa çalışır.

Bunu jurnalistlər üçün keçirdiyi növbəti brifinqdə Dövlət Departamentinin mətbuat xidmətinin rəhbəri Metyu Miller deyib.

Onun sözlərinə görə, Vaşinqton üçüncü ölkələrin nümayəndələri vasitəsilə eskalasiyanın İranın maraqlarına uyğun olmadığını və ABŞ-ın İsrailə mümkün hücumu dəf etməyə kömək edəcəyini çatdırmağa çalışır.

“Bölgədəki müttəfiqlər və tərəfdaşlarla söhbətlərimizin təfərrüatlarına girməyəcəm. Lakin gərginliyi istəmədiyimizi deməklə kifayətlənəcəm. Ümumi mövqe ondan ibarətdir ki, İran bundan sonra əlavə addım atmamalıdır”, - deyə Miller bildirdi.