Noyabrın 15-də Brüsseldə ER xarici işlər naziri Ararat Mirzoyan Avropa Komissiyasının vitse-prezidenti Marqaritis Şinas ilə görüşüb. Bu barədə ER XİN məlumat yayıb.
ER-Aİ tərəfdaşlığı gündəliyinin bir sıra məsələləri müzakirə edilib. Müxtəlif istiqamətlər də daxil olmaqla dialoqun dərinləşməsindən məmnunluq ifadə edilib.
Viza rejiminin liberallaşdırılması üzrə dialoqun başlanması ilə bağlı müsbət dinamikanı alqışlayan Ararat Mirzoyan bu istiqamətdə yekun qərarın ER və Aİ arasında dərinləşən əməkdaşlığa uyğun olacağını və insanlar arasında təmasların təşviqində mühüm rol oynayacağını vurğulayıb.
ER xarici işlər naziri və Avropa Komissiyasının vitse-prezidenti təhlükəsizlik sektorunda qarşılıqlı maraq doğuran məsələləri də müzakirə ediblər.
Görüşdə regional sabitlik məsələlərinə də toxunulub. ER xarici işlər naziri Ermənistanın regionda uzunmüddətli sülhün bərqərar olması ilə bağlı baxışını, eləcə də Azərbaycanın etnik təmizləməsi nəticəsində Dağlıq Qarabağdan məcburi köçkün düşmüş 100 mindən çox erməninin ehtiyac və hüquqlarının həllinə yönəlmiş ER hökumətinin addımlarını təqdim edib.
