Մեծ Եղեռնի 100-րդ տարելիցին կանգնեցված զանգակատուն-հուշակոթողը Ստեփանակերտում հավերժացնում է Հայոց ցեղասպանության սրբադասված նահատակների հիշատակը: Արցախում խնկարկում և ոգեկոչում են զոհված 1,5 միլիոն հայերի հիշատակը:
Արևմտյան Հայաստանում տեղի ունեցած ցեղասպանությունը չի ավարտվել 1915 թվականին: Այն շարունակվել է նաև Արևելյան Հայաստանում՝ 1920 թվականի Շուշիի հայկական ջարդերը Թուրքիայի և Ադրբեջանի ցեղասպան ծրագրի շարունակությունն էին, նշել է Արցախի ԱԺ փոխնախագահը:
Գագիկ Բաղունց (Արցախի ԱԺ փոխնախագահ) - Անընդհատ աշխարհին մատնանշենք, որ նման հանցագործությունը 107 տարի անց դեռ մնում է անպատիժ և ծնում է նոր ու նոր հանցագործություններ: Ինչ վերաբերում է հայ ազգին, մենք այսօր պետք է ավելի քան միասնական լինենք և անենք ամեն ինչ, որ մեր ազգը, համախմբվելով հավաքելով ուժերը, կարողանա դիմակայել բոլոր մարտահրավերներին:
Մեծ Եղեռնի սրբադասված նահատակների հիշատակին ծաղկեպսակ են դրել Արցախի նախագահ Արայիկ Հարությունյանն ու երրորդ նախագահ Բակո Սահակյանը: Արցախի արտաքին գործերի նախարարությունը դատապարտել է Օսմանյան կայսրությունում ծրագրված և կազմակերպված 1,5 միլիոն հայերի ցեղասպանությունը:
Դավիթ Բաբայան (Արցախի արտաքին գործերի նախարար) - Սա, փաստորեն, միջազգային հանրության համար մի խարան է, որը նա կարող է մաքրել միայն ճանաչելով և դատապարտելով միջազգային մակարդակով՝ ընդհանուր առմամբ:
Թուրքիան և Ադրբեջանը չեն հրաժարվել ցեղասպան քաղաքականությունից՝ հիշեցրել է Արցախի արտգործնախարարը: Ցեղասպանություն է տեղի ունեցել նաև Սումգայիթում, Բաքվում, Կիրովաբադում և Մարաղայում: Այդ նույն ձեռագրով արցախահայությունը ցեղասպանության վտանգի առաջ էր 2020 թվականի պատերազմի ժամանակ, որից հետո Ադրբեջանը դեռ շարունակում է էսկալացիայի փորձերը:
Վիտյա Յարամիշյան (Արցախի պետական համալսարանի պրոռեկտոր) - Տեսակետ եմ նկատում, որը շրջանառվում է ընդհուպ մինչև ամենաբարձր մակարդակներով՝ գուցե նաև համաշխարհային, թե զավակները պատասխանատու չեն իրենց ծնողների կամ նախնիների համար, ուստիև նրանք որևէ մեղք չունեն և չպետք է պատասխանատվություն կրեն: Ես կարող եմ հավաստիացնել, մենք բոլորս ենք տեսնում, որ գուցե փոխվում են սերունդները, բայց չի փոխվում ձեռագիրը, և չեն փոխվում նպատակները:
Արցախի եկեղեցիներում այսօր Մեծ Եղեռնի սրբադասված նահատակների բարեխոսության կարգ է կատարվել: Ստեփանակերտի Սուրբ Հովանի Մայր տաճարում բարեխոսական կարգը կատարվել է Արցախի թեմի առաջնորդ Վրթանես եպիսկոպոս Աբրահամյանի հանդիսապետությամբ:
30 հազար դրամի աջակցությունը դեկտեմբերից հետո կշարունակվի ևս 3 ամիս. Փաշինյանը՝ ԼՂ-ից տեղահանվածների աջակցության մասին
Ակնկալում ենք, որ կողմերը հավասարաչափ հոգատարությամբ հանդես կգան խաղաղության նկատմամբ. Սոնա Ղազարյանը՝ Հաջիևի ասածների մասին
Վերոնշյալ հայտարարությունները անհիմն են. Ռուբինյանը՝ Հաջիևի ասածների մասին
Ղարաբաղից տեղահանված մեր հայրենակիցներին աջակցության ծրագրերի իրականացման նպատակով 2025-ին պետբյուջեից ծախսվել է 45 մլրդ 700 մլն դրամ. Խաչատրյան
Վաչե Հովակիմյանը և Էդգար Հայրապետյանը լրացրել են միջազգային վարպետի երրորդ նորմաները․ Վաչեին պաշտոնապես կշնորհվի միջազգային վարպետի կոչում
Բեռլինի թանգարանային կղզու վեց թանգարանի ավելի քան 50 նմուշ է բերվել Հայաստան․ ցուցադրությունը կգործի մինչև մարտի 21-ը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
Թբիլիսիի հեռուստաաշտարակը լուսավորվել է Հայաստանի Հանրապետության դրոշի գույներով
Հանրապետության Հրապարակը հիմա. վարչապետը տեսանյութ է հրապարակել
Բռնցքամարտի ԵԱ-ի 1/4 եզրափակչում Հայաստանն ունի 5-րդ ներկայացուցիչը