Ոստիկանության Գյումրի քաղաքի Մուշի բաժնի քրեական հետախույզները օպերատիվ տեղեկություն էին ստացել, որն իրացրել են հուլիսի 4-ին՝ ժամը 23:00-ին:
«Շիրակ» ֆուտբոլային մարզադաշտի մոտից բերման են ենթարկել 40-ամյա մի տղամարդու, որի ձեռքին պոլիէթիլենային տոպրակ կար: Կասկածանքն ապօրինի թմրամիջոց պահելը, պատրաստելն ու օգտագործելն էր:
Խուզարկությամբ տոպրակում հայտնաբերվել է 154 գրամ բուսական զանգված: Տղամարդը հայտնել է, որ հայտնաբերվածը մարիխուանա է՝ իր օգտագործման համար: Նշանակվել է դատաքիմիական փորձաքննություն: Հանգամանքները պարզվում են:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
