ԱՄՆ պետքարտուղար Մարկո Ռուբիոն Ուզբեկստանում է, որտեղ նախատեսվում են հանդիպումներ Կենտրոնական Ասիայի երկրների բարձրաստիճան պաշտոնյաների հետ: Նրա խոսքով՝ ԱՄՆ-ն ցանկանում է Կենտրոնական Ասիայի երկրների ուժեղ գործընկերը լինել, իսկ ամերիկյան ընկերությունները մտադիր են միլիարդավոր դոլարի համաձայնագրեր կնքել տարածաշրջանի երկրների հետ:
Անդրադառնալով ռուս-ուկրաինական հակամարտությանը՝ Ռուբիոն նշել է, որ ԱՄՆ-ն անում է ամեն բան այն դադարեցնելու համար: Նա միևնույն ժամանակ ընդունել է, որ իրենք չեն հասել ցանկալի առաջընթացի:
Ռուբիոն հերքել է Ուկրաինայի նախագահի այն պնդումները, որ ԱՄՆ-ն որոշ ժամանակով դադարեցրել էր Ուկրաինային հետախուզական տվյալների տրամադրումը: Իսկ Ռուսաստանի դեմ լրացուցիչ պատժամիջոցների կասեցումը Ռուբիոն բացատրել է նրանով, որ նախագահ Դոնալդ Թրամփը ցանկանում է տեսնել՝ արդյոք ներկայում ընթացող բանակցությունները կարող են դրական արդյունքներ տալ:
Մանրամասները՝ Սյուզաննա Չրաղյանի ռեպորտաժում:
