Վենեսուելան արժեքավոր է ոչ միայն նավթի, այլև հանքային ռեսուրսների շնորհիվ. մասնագետներ

Ռեսուրսների համար պայքար է նաև Վենեսուելայում: Երկիրը գրավիչ է ոչ այնքան նավթի, որքան հանքային, հատկապես կոբալտի պաշարներով:

Գնահատականը մասնագետներինն է, որոնք փաստարկում են, որ վենեսուելական նավթի մշակումը բավական թանկ է, ինչի պատճառով այն բավարար մրցունակ չէ:

Վերլուծաբանների կարծիքով՝ առհասարակ, երկրի մրցունակությունն ապահովելու համար ոչ միայն ռեսուրսների առկայությունն է կարևոր, այլև դրանց արդյունավետ կառավարումը:

Որոշ երկրներում նույնիսկ բնական պաշարները լրացուցիչ խնդիրներ են ստեղծում։

Ինչ վերաբերում է նավթ ու գազ չունեցող երկրներին, ապա կարևոր է համարվում ներդրումը մարդկային կապիտալում:

Ֆլետչերի դպրոցի պրոֆեսորն այդ տեսանկյունից Հայաստանի կատարած աշխատանքը դրական է գնահատում և համարում, որ մեր երկիրը գնում է մրցունակ տնտեսություն ստեղծելու արդյունավետ ճանապարհով:

Հեղինակ՝ Նիկոլայ Ավետիսյան