Չեմ ցանկանում ժամանակ վատնել. Թրամփը՝ Պուտինի հետ հանդիպման մասին
ԱՄՆ նախագահը լրագրողների հետ զրույցում անդրադարձել է ռուս-ուկրաինական կարգավորմանը և Բուդապեշտում Ռուսաստանի նախագահի հետ հնարավոր հանդիպմանը: Դոնալդ Թրամփը նշել է, որ դեռ պետք է մտածի այդ մասին, քանի որ չի ցանկանում ժամանակ ծախսել և դատարկ հանդիպումներ ունենալ: «Չեմ պատկերացնում՝ ի՛նչ կարող է դրանից դուրս գալ: Նրանց ասել եմ, որ շփման գծում կանգ առնեն»,- հավելել է Սպիտակ տան ղեկավարը:
Թրամփի կարծիքով՝ Վլադիմիր Պուտինը և Վոլոդիմիր Զելենսկին ցանկանում են, որ պատերազմն ավարտվի։ Ավելի վաղ հաղորդվում էր, որ Ռուսաստանի և Միացյալ Նահանգների նախագահների հանդիպումը կարող է անցկացվել արդեն հաջորդ շաբաթ, սակայն ամերիկյան կողմը հայտնել է, որ մոտ ապագայում դա տեղի չի ունենա:
Միջազգային զարգացումները՝ տեսաշարում։
