Ինչու են ընտրվել 1975 թ. քարտեզները: Մոլդովայի հայ համայնքի հետ հանդիպմանը, պատասխանելով այս հարցին, ՀՀ վարչապետ Նիկոլ Փաշինյանը հայտնեց` խնդիրը ոչ թե թվականն է, այլ այն, որ որևէ քարտեզ պետք է վերցնել որպես հիմք: Նա նշեց` մյուս քարտեզների մեջ ՀՀ տարածքի մասով մեծ տարբերություններ չկան:
«Հետաքրքիր դինամիկա ենք նկատել. ԽՍՀՄ հանրագիտարանը մի քանի անգամ հրատարակվել է, բայց որպես ՀՀ տարածք ֆիքսված է 29.800 քկմ, կա նյուանսների, տեղանքների տարբերություն, բայց ընդհանուր տարածքի մասով տարբերություններ չկան: Խնդիրը` ոչ թե ինչ-որ թվի մեջ կա խորհրդավորություն, այլ դելիմիտացիայի համար ինչ-որ բան պետք է վերցնել որպես հիմք, խոսքը 1975 թ. Խորհրդային Միության ԶՈՒ գլխավոր շտաբի հաստատած քարտեզների մասին է: Ենթադրում ենք, որ դրանք Ալմա Աթայի հռչակագրից առաջ այդ ֆորմատով հաստատված վերջին քարտեզներն են»,- նշեց նա:
