Տորոնտոյի «Հայաստան» հիմնադրամի դրամահավաք–ընթրիքին հավաքվել է 760 100 կանադական դոլար
Հոկտեմբերի 30-ին Կանադայի Տորոնտո քաղաքում կայացել է Տորոնտոյի «Հայաստան» հիմնադրամի ամենամյա դրամահավաք-ընթրիքը՝ նվիրված Հիմնադրամի 30-ամյակին, որի ժամանակ հավաքվել է 760 100 կանադական դոլար (547,272 ԱՄՆ դոլար):
Գումարը կուղղվի Սյունիքի, Տավուշի և Գեղարքունիքի մարզերում բժշկական կենտրոնների, ինչպես նաև Արցախի Իվանյան համայնքում խաղահրապարակի կառուցմանը, որտեղ Տորոնտոյի «Հայաստան» հիմնադրամի աջակցությամբ կառուցվել է 34 տուն:
Դրամահավաք-ընթրիքի հյուրերը ևս մեկ անգամ շեշտել են «Հայաստան» համահայկական հիմնադրամին աջակցելու կարևորությունն ու հրատապությունը:
