Ուկրաինան պայթեցրել է գրեթե բոլոր ճանապարհային և երկաթուղային կամուրջներն ու ամբողջությամբ ականապատել Բելառուսի հետ սահմանի ճանապարհները։ Այս մասին СТВ հեռուստաալիքի եթերում հայտարարել է Բելառուսի պետական սահմանային կոմիտեի ղեկավար Անատոլի Լապոն։
Նրա խոսքով՝ երբեմն ուկրաինական կողմը երեք շարքով հակատանկային ականներ է տեղադրում ճանապարհներին։ Լապոն ընդգծել է, որ Ուկրաինան փորձում է փակել սահմանը, և այդ տարածքում իրավիճակը բարդ է որակել։
Հոկտեմբերի 6-ին Բելառուսի պաշտպանության նախարարության ղեկավար Վիկտոր Խրենինը հայտարարել էր, որ Ուկրաինայում հակամարտությունը սպառնում է երկրի անվտանգությանը։
