Նոյեմբերի 14-ին ոստիկանության Արաբկիրի բաժնի ծառայողները ապօրինի թմրանյութ պահելու և օգտագործելու հերթական դեպքն են բացահայտել։ Ժամը 20:00-ի սահմաններում ոստիկաններն Արղության փողոցից բերման են ենթարկել Աջափնյակ և Դավիթաշեն համայնքների երկու բնակչի, որոնցից մեկը՝ 20, մյուսը՝ 24 տարեկան։
20-ամյա երիտասարդի անձնական խուզարկությամբ հայտնաբերվել են սպիտակ փոշենման և բյուրեղանման զանգվածներ։ Ըստ բերման ենթարկված 24-ամյա երիտասարդի՝ հայտնաբերված զանգվածները մեթամֆետամին թմրամիջոց են և պատկանում են իրեն, ինքն է օգտագործում:
Հանգամանքերը պարզվում են։ Փաստի առթիվ նախապատրաստվում են նյութեր:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
