Երանուհի Թումանյանցը նշանակվել է ՀՀ արդարադատության նախարարի տեղակալ

ՀՀ վարչապետ Նիկոլ Փաշինյանը որոշում է ստորագրել Երանուհի Թումանյանցին ՀՀ արդարադատության նախարարի տեղակալ նշանակելու մասին:

«Ղեկավարվելով «Հանրային ծառայության մասին» Հայաստանի Հանրապետության օրենքի 9-րդ հոդվածի 1-ին մասով՝

Երանուհի Թումանյանցին նշանակել արդարադատության նախարարի տեղակալ»,- ասված է վարչապետի որոշման մեջ:

Նորանշանակ փոխնախարարը 2015 թվականի սեպտեմբերից մինչև 2016 թվականի հոկտեմբերը զբաղեցրել է ՀՀ մարդու իրավունքների պաշտպանի (Կարեն Անդրեասյանի) տեղակալի պաշտոնը։

 Կրթություն

Իրավաբանական գիտությունների թեկնածուի գիտական աստիճանի շնորհում (2019թ. ապրիլ, ՀՀ պետական կառավարման ակադեմիա, «Ինքնուրույնության սկզբունքը դատական իշխանության համակարգում` սահմանադրական բարեփոխումների համատեքստում»)

Ամառային դպրոց «Մարդու իրավունքների պաշտպանության եվրոպական համակարգ» (Գերմանիա, Ֆրանկֆուրտ (Օդեր), 2009 սեպտեմբեր)