Շուշիի կերպարվեստի թանգարանի պուրակի 51 քանդակ հանվել է. Caucasus Heritage Watch

Արբանյակային լուսանկարները ցույց են տալիս, որ ապրիլի 10-ից հունիսի 5-ն ընկած ժամանակահատվածում Շուշիի կերպարվեստի պետական թանգարանի պուրակի 51 քանդակ հանվել է, և տարածքն ամբողջովին մաքրվել է: Այս մասին ահազանգում է Կովկասյան ժառանգության պաշտպանության (Caucasus Heritage Watch) միջազգային կազմակերպությունը:

Կազմակերպությունը մտահոգված է արվեստի գործերի վիճակով, որոնք այդ թանգարանի սեփականությունն են:

Միջազգային կազմակերպությունը հարցեր է ուղղում Ադրբեջանի իշխանությանը՝ պահանջելով բացահայտել առգրավված քանդակների գտնվելու վայրը և տեղեկացնել դրանց՝ հանրությանը հասանելի լինելու մասին:

Կազմակերպությունը ցանկանում է տեղեկանալ՝ արդյոք քանդակների տեղահանման գործընթացին ներգրավվա՞ծ են եղել համադրողներն ու բնապահպանները: Արդյոք քանդակների տեղափոխումը համահո՞ւնչ է Չեփման Թեյլորի նոր գլխավոր հատակագծին: