Վրաստանում կորոնավիրուսի նոր հակառեկորդ է

Վրաստանում վերջին մեկ օրում արձանագրվել է կորոնավիրուսի վարակման 296 նոր դեպք: Հարևան երկրում համաճարակային վիճակագրական տվյալները հրապարակվել է կառավարությանն առընթեր Stopcov.ge հատուկ կայքում:

Վրաստանում նախորդ ռեկորդը գրանցվել էր նախօրեին՝ 265 դեպք:

Միաժամանակ վարակից ապաքինվել է 60 պացիենտ: Ընդհանուր ապաքինվածների թիվը հասնում է 1819-ի:

Ընդհանուր առմամբ, Վրաստանում վարակվել է 4960 մարդ, մահացության ցուցանիշը 27 է: