Հայկական թարմ սննդամթերք արտադրող ընկերությունները մասնակցել են պտուղ-բանջարեղենի «United Fresh» առաջատար միջազգային տոնավաճառին:
Ամենամյա հիմունքներով կազմակերպվող տոնավաճառը թարմ սննդամթերքի արդյունաբերությունում ներգրավված մարդկանց համախմբում է ցանցային միջոցառումների, համայնքային ընդունելությունների, համաժողովների, վեբինարների, հանդիպումների, ըստ պահանջի կրթության և այլ սոցիալական հավաքույթների շրջանակներում:
Հաշվի առնելով COVID-19 համավարակը՝ կազմակերպիչներն այս տարի գործարկեցին «United Fresh Live» վիրտուալ միջոցառումը:
Շնորհիվ «EU4Business» նախագծի՝ չրեր, պահածոյացված պտուղ-բանջարեղեն, բուսական թեյ և օրգանական արտադրանքներ արտահանող 50 հայկական ընկերություն հնարավորություն ստացան #FullFruitArmenia վիրտուալ տաղավարում ներկայացնել իրենց արտադրանքը:
