«Այս պահին ունենք 1200-ից ավելի դիմում, որից 350-ը մերժվել են տարբեր պատճառներով։ Առյուծի բաժինը ընկնում է ոլորտային անհամապատասխանությանը։ Այսինքն՝ դիմում են այն կազմակերպությունները, որոնք ներառված չեն մեր ծրագրում։ Երկրորդը մերժվում են հարկային ոչ բարվոք պատմություն ունեցող, և երրորդը՝ այն շահառուները, որոնց շրջանառությունը եղել է 24 միլիոնից ցածր»,- նշեց էկոնոմիկայի նախարարի տեղակալը կորոնավիրուսի տնտեսական հետևանքների չեզոքացման երրորդ միջոցառման մասին խոսելիս։
Մարգարյանը նշեց, որ դիմումների քանակով առաջին տեղում մշակող արդյունաբերությունն է, այնուհետև հանրային սննդի, զբոսաշրջության և մյուս ոլորտների ՓՄՁ-ների հայտերն են։
