Ավագ սերժանտ Սաբրին Սաադին, որ հետաքննիչ է նշանակվել անչափահասների հարցերով, հիջաբով առաջին մահմեդական կինը կլինի Իսրայելի ոստիկանությունում: Այս մասին հաղորդել է Ynet-ը:
Նշվում է, որ Սաադին ծնվել և մեծացել է բեդվինների Բասմատ Թաբունի գյուղում և ուսանել է իսրայելական Հայֆայում: Ավագ դպրոցն ավարտելուց հետո, երեք տարի առաջ, Սաադին փորձել է ծառայության անցնել Իսրայելի ոստիկանությունում, բայց այդ ժամանակ թափուր աշխատատեղեր չեն եղել: Մինչ այս, այժմյան ավագ սերժանտն աշխատել է Հայֆայի հագուստի խանութներից մեկում՝ որպես մենեջեր:
