ԱՄՆ նախագահ Դոնալդ Թրամփը մտադիր է մերժել Դեմոկրատական կուսակցության բոլոր օրենսդրական նախաձեռնությունները, եթե Կոնգրեսն անցնի Դեմոկրատական կուսակցության վերահսկողությանը։ Այս մասին Թրամփը հայտարարել է Fox News-ի հետ հարցազրույցում։
«Եթե դա տեղի ունենա, ես կդառնամ պարոն վետո»,- խոստացել է ամերիկացի նախագահը և հավելել, որ մտադիր է պարբերաբար օգտագործել այդ լիազորությունը, որպեսզի Կոնգրեսում դեմոկրատներին ստիպի համաձայնությունների գալ իր հետ։
«Նրանք ինձ ինչ-որ բան կուղարկեն ստորագրելու, իսկ ես վետո կկիրառեմ։ Վերջիվերջո, եթե երկու կամ երեք ամիս շարունակ վետո կիրառեմ ամեն ինչի նկատմամբ, նրանք կգան ու կկնքեն համաձայնագիր», - ասել է Թրամփը:
ԱՄՆ Կոնգրեսի միջանկյալ ընտրությունը կկայանա նոյեմբերի 3-ին։ Հարցումների համաձայն՝ Դեմոկրատական կուսակցությունը կարող է զգալիորեն մեծացնել իր ներկայացվածությունը Ներկայացուցիչների պալատում և նաև փոքր առավելություն ստանալ Սենատում՝ Կոնգրեսի վերին պալատում։
