Լոս Անջելեսում ՀՀ գլխավոր հյուպատոս Աննա Ավետիսյանը հոկտեմբերի 29-ին հանդիպում է ունեցել Ամերիկայի հայկական խորհրդի տնօրենների խորհրդի ներկայացուցիչների հետ։ Այդ մասին հայտնում են Անջելեսում ՀՀ գլխավոր հյուպատոսությունից։
Հանդիպման ընթացքում մտքեր են փոխանակվել Հայաստան-ԱՄՆ երկկողմ հարաբերությունների օրակարգի, բազմոլորտ համագործակցության հետագա խորացման և Հայաստանում ներդրումների ներգրավմանն առնչվող հարցերի շուրջ։
Առանձնահատուկ անդրադարձ է կատարվել բարձր տեխնոլոգիաների, նորարարության և արհեստական բանականության ոլորտներում Հայաստանի արձանագրած ձեռքբերումներին ու զարգացման հեռանկարներին։
Այս համատեքստում ընդգծվել է ամերիկյան գործընկերների հետ համագործակցության հետագա ընդլայնման և խորացման, փոխշահավետ նախաձեռնությունների առաջմղման, ինչպես նաև առկա ներուժի լիարժեք իրացման նպատակով համատեղ ջանքերի համախմբման կարևորությունը։
