Գործարար Իլոն Մասկն ԱՄՆ միջանկյալ ընտրությանն ընդառաջ` նվիրաբերել է առնվազն 445 միլիոն դոլար, հաղորդում է CNN-ը։
Հեռուստատեսության տվյալներով՝ նվիրատվությունների զգալի մասը նախատեսված էր օգնելու հանրապետականներին պահպանել իրենց ազդեցությունը ԱՄՆ Սենատում։
Հեռուստաընկերությունը պարզաբանում է, որ Դաշնային ընտրական հանձնաժողովի տվյալների համաձայն՝ Մասկը միայն հոկտեմբերի առաջին երկու շաբաթների ընթացքում լրացուցիչ 76,8 միլիոն դոլար է նվիրաբերել։
Ավելի վաղ The New York Times-ը հայտնել էր, որ Մասկը երեք ամսվա ընթացքում ավելի քան 276 միլիոն դոլար է նվիրաբերել քաղաքական գործողությունների կոմիտեներին (PAC) և Հանրապետական կուսակցության մյուս կազմակերպություններին։ Թերթը նշել է, որ մինչ այդ էլ Մասկը պարբերաբար խոշոր նվիրատվություններ է կատարել Հանրապետական կուսակցության նախընտրական հիմնադրամներին։
ԱՄՆ միջանկյալ ընտրությունը կկայանա նոյեմբերի 3-ին։ Հարցումները ցույց են տալիս, որ Դեմոկրատական կուսակցությունը լավ հնարավորություն ունի վերականգնելու մեծամասնությունը Ներկայացուցիչների պալատում, և եթե ամեն ինչ լավ ընթանա, նաև Սենատում։
