Վոլոդիմիր Զելենսկին հեռախոսազրույց է ունեցել ԱՄՆ պետքարտուղար Մարկո Ռուբիոյի հետ, քննարկել ռուսական բալիստիկ հրթիռների հարվածների մասին վաղ նախազգուշացման հարցը։
«Զրույցն առարկայական էր` կարևոր հարցերի շուրջ։ Շնորհակալ եմ օգնելու պատրաստակամության և հստակ դիրքորոշման համար: Առաջինը բալիստիկ հրթիռների որսիչներն են, որոնք անհրաժեշտ են մարդկային կյանքը պաշտպանելու համար։ Երկրորդը` ռուսական բալիստիկ հրթիռների հարվածների մասին վաղ նախազգուշացումն է, ինչը կենսական նշանակություն ունի։ Երրորդը Starlink-ի և Starshield-ի շուրջ ստեղծված իրավիճակն է, որոնց աշխատանքը պետք է վերականգնվի»,- տեղեկացրել է Զելենսկին։
Նախագահի խոսքով` Կիևի դիվանագիտական ջանքերն ուղղված են պատերազմի ավարտին և մարդկանց սպանությունների դադարեցմանը:
Զելենսկին հավելել է, որ Ռուբոյի հետ պայմանավորվել են շուտով նորից կապ հաստատել` արդիական տեղեկատվություն փոխանակելու համար։
