Բաքվում ընթացող գագաթնաժողովի շրջանակում հանդիպել են Ռուսաստանի և Թուրքիայի արտգործնախարարները: Սերգեյ Լավրովը և Հաքան Ֆիդանը քննարկել են առևտրատնտեսական և էներգետիկ համագործակցությունը, ընդգծել ռուս-ուկրաինական հակամարտության արդար կարգավորման հասնելու ջանքերի կարևորությունը:
Լավրովը նաև հանդիպել է իր չինացի գործընկեր Վան Իի հետ: Քննարկվել են ԱՄՆ-ի հետ հարաբերությունները, ուկրաինական և իրանական ճգնաժամերի շուրջ իրավիճակը:
Մինչ այդ Չինաստանի արտգործնախարարը հանդիպել է Ադրբեջանի նախագահի և արտգործնախարարի հետ, քննարկել երկկողմ հարաբերությունները, տնտեսական համագործակցությունը, տարածաշրջանային անվտանգությունն ու միջազգային օրակարգի հարցեր։
