Ռուսաստանից Ադրբեջանով տարանցմամբ Հայաստան է առաքվել ցորեն և քարածուխ
Ռուսաստանից Հայաստան Ադրբեջանի և Վրաստանի տարածքով տարանցմամբ հերթական մատակարարումն է իրականացվել։
Օգոստոսի 8-ին Բիլյաջարի կայարանից առաքվել է 15 վագոն ցորեն՝ 1049 տոննա ընդհանուր քաշով և 10 վագոն քարածուխ՝ 700 տոննա ընդհանուր քաշով:
Մինչ այժմ Ռուսաստանից Ադրբեջանով տարանցմամբ Հայաստան է ուղարկվել ավելի քան 37 հազար տոննա հացահատիկ, շուրջ 9 հազար տոննա պարարտանյութ, 1136 տոննա պրոպան, 133 տոննա ալյումին, 414 տոննա անտրացիտ և 67 հազար տոննա փայտանյութ:
Ադրբեջանից Հայաստան է ներմուծվել շուրջ 15 հազար տոննա դիզելային վառելիք և շուրջ 5 հազար տոննա բենզին:
