Իրենք ոչ մի բան էլ չունեին և հիմա էլ չունեն պլանավորած. Եղոյանը՝ ընդդիմության մասին

Լրագրողները ճեպազրույցի ժամանակ ՔՊ խմբակցության պատգամավոր Արման Եղոյանին հիշեցրին, որ երեկ վարչապետ Նիկոլ Փաշինյանը ընդդիմադիրներին ասել էր՝ եթե համաձայն չեք ընտրությունների արդյունքների հետ, դուրս եկեք, հրապարակներ լցրեք, իսկ «Ուժեղ Հայաստան»-ի առաջնորդ Սամվել Կարապետյանն էլ ասել էր՝ հայտարարում են ընդդիմադիր ուժերի համախմբման մասին։ «Ի՞նչ եք կարծում, ի՞նչ է պլանավորվում, և արդյոք սա Փաշինյանի կոչին ընդառա՞ջ էր»,- հետաքրքրվեցին լրագրողները։

«Ես չեմ կարծում, թե ինչ-որ բան պլանավորվում է: Չէ, ինձ չի թվում, որ ինչ-որ բան պլանավորվում է։ Իրենք ոչ մի բան էլ և՛ չունեին պլանավորած, և հիմա էլ չունեն պլանավորած, և երեկվա, ի դեպ, այդ հարցազրույցը մինչև հիմա չի հրապարակվել, չէ՞։ Չորս-հինգ խմբագիր գնացին, դուք կայի՞ք, ձեր խմբագիրները կայի՞ն, բա ո՞ւր է, չի հրապարակվում հարցազրույցը։