Իրանում հրապարակվել է ցույցերի ժամանակ զոհվածների ամբողջական ցուցակը

Իրանում հրապարակվել է անցյալ տարվա վերջից այս տարվա հունվարի կեսերը երկրում տեղի ունեցած ցույցերի ժամանակ զոհվածների ամբողջական ցուցակը:

Իրանի արտաքին գործերի նախարար Աբաս Արաղչին հայտնել է, որ կառավարությունը, հավատարիմ մնալով լիակատար թափանցիկության խոստմանը, հրապարակում է ցույցերի ընթացքում զոհված 3117 անձի ամբողջական ցուցակը, որոնց թվում է ոստիկանության 200 սպա: 

Ավելի վաղ Իրանի իշխանությունները հրապարակել էին ցույցերի ժամանակ զոհված 2 986 մարդու ցուցակը:

Նշենք, որ բողոքի ակցիաների պատճառը երկրում խորացող տնտեսական ճգնաժամն է, այդ թվում՝ ազգային արժույթի փոխարժեքի անկման ֆոնին։