Ջրվեժից Գառնի, Բջնիի ամրոց, Աբովյան. Կոտայքում կառուցված 100 կմ ճանապարհի որակը դիտարկել է նախարարը
Տարածքային կառավարման ու ենթակառուցվածքների նախարար Դավիթ Խուդաթյանը Կոտայքի մարզում ծանոթացել է շուրջ 45 կմ պետական ֆինանսավորմամբ ու ևս 48 կմ սուբվենցիոն ծրագրով իրականացված ճանապարհաշինական աշխատանքներին: Այս ծրագրերի իրագործման համար միայն պետության ֆինանսավորումը 6,2 միլիարդ դրամ է եղել: Ջրվեժից մինչև Կաքավաձոր ու Լեռնանիստ՝ հիմնանորոգվել են նաև այնպիսի ճանապարհներ, որոնք, ըստ բնակիչների, տասնամյակներով չեն ասֆալտապատվել:
